Një ngjarje e rëndë ka tronditur komunitetin shqiptar në Itali. Një i ri shqiptar, Flavio Saraci, vetëm 19 vjeç, u gjet i pajetë në dhomën e tij mëngjesin e së premtes, më 24 tetor, në Masotti, Serravalle Pistoiese, nga vëllai i tij i vogël.
Pavarësisht ndërhyrjes së menjëhershme dhe transportimit në Spitalin San Jacopo, mjekët nuk mundën ta shpëtonin, duke konfirmuar vdekjen e të riut.
Sipas dëshmive, Flavio ishte një djalë i shëndetshëm, dhe aktiv në sporte, pa ndonjë problem shëndetësor. Dyshohet se vdekja mund të ketë ardhur si pasojë e një sëmundjeje të papritur fatale, ndërsa autopsia pritet të përcaktojë shkakun e saktë.
Flavio kishte përfunduar studimet vitin e kaluar në Institutin “Filippo Pacini” në Pistoia dhe njihej si një djalë i qetë, i respektuar dhe shumë i dashur nga të gjithë.
