Zëvendëskryeministrja dhe ministrja e Infrastrukturës e Energjisë, Belinda Balluku, po kalon ditë të vështira politike dhe personale. Vetëm pak ditë pasi u zbulua se ajo është nën hetim nga SPAK për “shkelje të barazisë në tendera”, Balluku është shfaqur publikisht me sy të nxirë, duke ngritur pikëpyetje për gjendjen e saj.

Në një video të publikuar nga vetë Balluku, gjatë prezantimit të drejtorit të ri të Portit të Durrësit, Liburn Aliu, vërehet një shenjë e dukshme në fytyrë. Kjo pamje ka bërë menjëherë xhiron e rrjeteve sociale, ku përdoruesit kanë komentuar mbi “goditjet” e fundit politike dhe personale që ka marrë numri dy i qeverisë.

Ndërkohë, SPAK i ka dërguar një ftesë zyrtare për paraqitje, firmosur nga prokurori i posaçëm Dritan Prençi. Në dokument thuhet se Balluku duhet të jetë e shoqëruar nga një avokat, çka nënkupton se ndaj saj mund të komunikohen zyrtarisht akuza penale.

Burime pranë Prokurorisë bëjnë me dije se zëvendëskryeministrja nuk është paraqitur në thirrjen e parë, pasi ndodhej jashtë vendit, por është thirrur sërish për ditën e premte në ambientet e SPAK-ut.

Në fokus të hetimit janë tendera të rëndësishëm të Ministrisë së Infrastrukturës, ndërsa deri tani nuk dihet nëse do të ketë masa të tjera ndaj saj