AUSTRALI- Ministri austriak i Arsimit, Christoph Wiederkehr ka deklaruar sot se telefonat celularë do të ndalohen në shkollat austriake. Ai tha gjithashtu se masa e re do të sjellë ndryshime edhe për prindërit.
“Ndërsa shkollat kanë krijuar më parë rregullat e tyre ndaj telefonave, rregullorja e re kombëtare shënoi një ndryshim në qasje”, tha Wiederkehr, duke argumentuar se kjo gjë do të mbështeste më mirë punën e mësuesve dhe drejtuesve të shkollave.
“Rreziqet e njohura shëndetësore të përdorimit të tepërt të telefonit dhe ndryshimet në sjelljen sociale në shkolla kërkojnë veprim. Kontakti person me person duhet të zëvendësojë kohën para ekranit gjatë pushimeve të shkollës. Disa prindër duan të jenë në kontakt të vazhdueshëm me fëmijët e tyre gjatë orëve të shkollës. Telefonat janë vrasës përqendrimi”, theksoi ai.
Ndërsa një ekspert nga Universiteti Mjekësor i Vjenës tha se përdorimi i tepërt shkakton nervozizëm dhe çrregullime të gjumit si dhe depresion dhe sjellje kompulsive.
