Të paktën 15 persona, kryesisht fëmijë, rezultojnë të zhdukur pas përmbytjeve dhe rrëshqitjeve të dheut të shkaktuara nga shirat e rrëmbyeshëm që goditën provincën më lindore të Papuas në Indonezi.

Zyrtarët thanë se 13 nga të zhdukurit janë fëmijë, të moshës midis 8 dhe 17 vjeç. Lajmi u konfirmua për “Reuters” edhe nga Alfredo Agustinus Rubiak, shefi i policisë së distriktit Duga.

Fëmijët po ktheheshin në shtëpi pasi kishin luajtur volejboll dhe po përpiqeshin të kalonin një lumë kur ranë përmbytjet, shpjegoi ai.

Fillimisht ata u strehuan në disa shkëmbinj të mëdhenj, por rryma ishte aq e fortë sa i rrëmbeu. Përveç kësaj, disa nga shkëmbinjtë u shembën, duke shtypur disa fëmijë, shtoi Rubiak.

Banorët, policia dhe personeli ushtarak, si dhe agjencia lokale e menaxhimit të fatkeqësive, po vazhdojnë të kërkojnë viktima, por terreni shkëmbor po e vështirëson punën e tyre, tha Rubiak.

Autoritetet kanë nevojë për një helikopter për të arritur në zonë, përndryshe do të duhet të ecin një udhëtim tetë-orësh nga qyteti më i afërt, tha shefi i policisë.

Operacioni i shpëtimit është gjithashtu i ndërlikuar nga fakti se zona konsiderohet një “zonë e kuqe” për arsye sigurie,