Një histori tronditëse vjen në emisionin “Stop” në Tv Klan nga qyteti i Vlorës. Mësohet, se Hati Deliaj 64 vjeçe, u dërgua në spital më 3 gusht 2024, në gjendje shoku pa ndjenja, me shenja dhune në trup dhe pa ushqim për disa ditë.

Sipas denoncimit të vëllait të saj në emisionin “Stop”, ajo ishte rrahur barbarisht nga bashkëshorti, Engjëllush Deliaj, 71 vjeç.

Veç kësaj, viktima është mbajtur e mbyllur në shtëpi për pesë ditë, derisa gjendja është rënduar shumë. Në ditën e gjashtë, e ndjera vd iq në Spitalin e Vlorës.

“Me kunatin ashtu i kishim marrëdhëniet, pothuajse të acaruara. Nuk kanë fëmijë. Kanë jetuar në Itali, në vitin 2020 e ka dhunuar. Dhunë fizike dhe psikologjike të tmerrshme.

Është shtruar edhe në një qendër rehabilitimi atje. Madje nuk thashë dhe atë më kryesore, ky i ka deponuar djalit të xhaxhait që ka dy vite pa vënë gjë në gojë, mbas ardhjes në spital.

Fillimisht ne jemi njoftuar jo nga ish-bashkëshorti i motrës, por nga një kushërira jonë, të cilën e kishte marrë në telefon dhunuesi i motrës.

Ky e merr në telefon kushërirën tonë dhe i thotë Hati është duke vde kur. Nuk e di se si e mori me çfarë kurajo. Ajo e merr motrën në telefon dhe i tregon situatën.

Motra në moment e merr Hatin në telefon, por ajo nuk përgjigjej, as nuk fliste, vetëm dridhej. Gojën hapur dhe dridhej komplet. Kisha shenja në sy, në qafë, në mjekër, nëpër krahë dhe nëpër gjunjë. Si është e mundur që e dhunon në atë farë feje dhe e mban pesë ditë në shtëpi, që të vd iste atje në shtëpi dhe ta paraqiste si një vd ekje natyrale. Si është e mundur?! I bënë terapi intensive nga më të ndryshmet. Madje diabeti ishte 670.

Nuk kishte marrë as mjekime. I bënë analizat, skanerin në spital dhe asnjë lloj reagimi. Nuk fliste fare. Organet e saj kanë qenë jashtë funksionit. Nuk kishte ngrënë dhe as kishte pirë që nga momenti i dhunimit. Dhunimi i tij ka qenë me destinacion vd ekjen. Ka qenë me paramendim të artë. Ditën e nesërme ka qenë ora 23:00, mbaroi gjithçka. Dha shpirt motra ”, thotë i vëllai i viktimës.

Megjithë provat, Prokuroria e Vlorës, nën drejtimin e prokurores Aurora Hajro, ka ngritur ndaj 71-vjeçarit vetëm akuzën për “dhunë në familje”.Në aktin e ekspertimit mjeko-ligjor, thuhet se gruaja është dhunuar me mjete prerëse pesë ditë para vde kjes, por kjo pistë, nuk është hetuar më tej.

Sipas prokurorisë, shkaku i vd ekjes është një infarkt i miokardit, ndërsa bashkëshorti pretendon, se gruaja “ra nga shkallët”.Në dosjen hetimore mungon analiza për ushqimin, ujin dhe ilaçet e diabetit, që sipas ekspertëve, bashkë me mungesën e ndihmës dhe dhunën fizike mund të kenë shkaktuar ndalimin e zemrës./tvklan.al