BRITANI E MADHE- Një 23-vjeçar shqiptar është arrestuar në Britaninë e Madhe pasi u kap në fermë kanabisi. Enriko Allkushi, gjet i fshehur në papafingon e një ish-parukerie në Bucknall New Road, Hanley, ku gjithashtu u gjetën 50 bimë kanabisi në fazën e pjekjes.

Siç raportohet autoritetet kanë gjetur bimët dhe pajisjet e rritjes së kanabisit në dy nga dhomat e gjumit. Allkushi tha se ai ishte dërguar atje nga dy shqiptarë që iu afruan në Londër. Allkushi, nga Bucknall New Road, u deklarua fajtor për kultivimin e një droge të klasit B.

Shqiptari, sipas autoritetete, do të deportohet në Shqipëri.

Duke e burgosur të pandehurin për 14 muaj, gjyqtari tha se kjo është një situatë që e shohim shumë rregullisht në këtë gjykatë.

“Droga shkatërron jetën. Si në shumë raste, ju ndodheni në këtë vend në mënyrë të paligjshme, prandaj nuk keni mjete të ligjshme për të fituar të ardhura, kështu që keni shfrytëzuar një mundësi të ofruar për të marrë të ardhura të cilat e dinit se ishin kundër ligjit”, tha gjyqtari.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.