Muçi Shaljani ka ndërruar jetë 5 ditë pas atentatit mesditën e 11 nëntorit pranë Aeroportit të Rinasit. Ai ndodhej në spitalin e Traumës në gjendje të rëndë shëndetësore. Nga breshëria e plumbave i vdekur në vend mbeti Gilmando Dani, i cili sapo ishte kthyer nga Spanja, bashkë me Shaljanin.

Gilmando Dani, i njohur si krahu i djathtë i Emiljano Shullazit. Dani ishte arrestuar bashkë me Shullazin në vitin 2015 dhe ishte liruar në vitin 2023 me kusht pasi kishte kryer 2/3 e dënimit.

“Në vijim të informacionit të dhënë më datë 11.11.2025, mbi ngjarjen e ndodhur tek rrethrrotullimi i Rinasit, ju informojmë se shtetasi M. Sh. (Sh.), i cili mbeti i plagosur, ka humbur jetën gjatë natës.”, njofton policia.

Gilmando Dani dhe miku i tij Muçi Shaljani u qëlluan me breshëri plumbash kallashnikovi sapo dolën nga rrethimi i aeroportit. Nga një makinë dolën 3 persona më armë në dorë dhe bënë shosh me plumba makinën “Mercedez Benz” të bardhë që drejtohej nga Shaljani, i cili në shtator ishte bërë pjesë e AMP-së si agjent, në një procedurë në shkelje të ligjit.

Tritol biznesit në Kamëz, autorët ende të pa identifikuar. Detajet e para

Parashikimi i motit, 15 nëntor 2025

“Surpriza që nuk i prisni…”, horoskopi për ditën e sotme, 15 nëntor 2025
Atentatorët u larguan nga kasaphana që vetë krijuan, vetëm pasi u bindën se shënjestra Gilmando Dani ishte vrarë. Më tej dogjën makinën në fshatin Halil, bashkë me armët që terrorizuan aeroportin.

Një ditë më parë, policia shpalli në kërkim 48-vjeçarin Ylli Zalla, në banesën e të cilit në fshatin Zall të Fushë-Krujës, u gjet një arsenal armësh. Ai dyshohet se është një prej bashkëpunëtorëve të grupit të atentatit pranë Rinasit. Automjeti tip “Toyota”, i përdorur në krim, dyshohet se ka dalë nga shtëpia e tij për të kryer vrasjen makabre, ndërsa edhe armët që kishin atentatorët dyshohet se janë siguruar nga 48-vjeçari.