Treshja e mëngjesit në Top Channel, Blendi Salaj, Enxhi Nasufi dhe Neada Muçaj janë zërat me të cilët nisin ditën të gjithë të apasionuarit pas radios apo te tjerë që nuk kanë kohën e mjaftueshme për tu ulur përpara ekranit.
Ndonëse nga jashtë, duket se kimia mes tyre është “on top”, thashethemet e fundit tregojnë një tjetër realitet.
Sipas asaj që po qarkullon në media, thuhet se mes Enxhi Nasufit dhe Neada Muçaj po gëlon një sherr i madh.
Përveç se konflikt, thuhet se debati mes vajzave ka degraduar deri në përplasje fizike nëpër korridoret e televizionit, raporton Icon Style. Gjithsesi mes tyre, të paktën gjatë transmetimit, vijon të ruhet balanca apo etika televizive.
Sesi qëndrojnë në të vërtetë punët nuk dihet, ende nuk ka pasur një reagim nga vetë Nasufi apo Muçaj, por bashkëpunimi po vijon, për një arsye apo një tjetër.
