Influencerja ruse Nikki Shii regjistroi dhe postoi një video të momentit kur pa partnerin e saj, Moumi Ngamaleh, me një grua tjetër.

Në moshën 31-vjeçare, Moumi Ngamalé përjetoi përvojën më traumatike të jetës së tij, si në aspektin personal ashtu edhe në atë profesional.

Duke filluar nga aspekti sportiv, anësori kamerunas i Dinamos së Moskës pa ekpin e tij kombëtarë të dështonte të arrinte në finalet e Kupës së Botës për zonën afrikane, duke humbur 1-0 në gjysmëfinale ndaj Kongos.

Ngamalé hyri nga stoli si zëvendësues në minutën e 90-të dhe në minutën e parë të kohës shtesë, Beba (mbrojtësi i Lille) shënoi golin e vetëm të ndeshjes, duke e dërguar Kongon në finalen ku e pret Nigeria.

Megjithatë,… makthi për anësorin 31-vjeçar kishte filluar disa ditë më parë, teksa ai u bë… lajm kryesor në Rusi, ku luan prej më shumë se dy vitesh me Dinamon, për arsye krejtësisht personale.

Promoted Content

Со години страдав од дијабетес, а сега мојот шеќер е 5 ммол!
Dia Drops

Ако се појават вакви папиломи телото испраќа сигнал за опасност
Parazol

Колена без болка – пробајте го ова навечер пред спиење
BoneControl
Në muajt e parë të qëndrimit të tij në kryeqytetin rus, Engamale filloi një lidhje me influenceren ruse Niki Shii dhe çifti ishte bërë viral, pasi kjo i fundit ka 1.2 milionë ndjekës në Instagram dhe është veçanërisht popullore tek të rinjtë.

Por marrëdhënia e tyre mori fund përgjithmonë, pas asaj që ndodhi disa orë para se ai të nisej për detyrimet e tij me ekipin Kombëtar. Shii dyshonte se partneri i saj kishte një lidhje me një grua tjetër dhe u sigurua ta vërtetonte këtë me një… operacion “policor”, u regjistrua minutë pas minute nga kolegët e saj.

Influencerja ruse u shfaq papritur në apartamentin e partnerit të saj , i cili u përpoq ta pengonte atë dhe kolegët e saj të hynin, duke thënë fillimisht se “… xhaxhai im është në shtëpi dhe po fle”. Shii, sigurisht, nuk u bind dhe, pasi dy kolegë të saj e ndaluan Engamalen, hynë në apartament ku zbuluan se në vend të xhaxhait, në dollap ishte… fshehur një vajzë e re, e cila rezultoi të ishte një trajnere personale.

“Ai është një person thellësisht i pakënaqur, i zhytur në problemet e veta dhe pa empati. Ai as nuk tregoi keqardhje, as nuk kërkoi falje dhe dukej plotësisht i qetë”, tha Shii për mediat ruse, me çështjen që mori përmasa të mëdha, megjithëse futbollisti shmangu çdo koment. Por nuk ndodhi e njëjta gjë me trajneren, e cila e shpalli veten mikeshë të tij.

“Isha vërtet në apartamentin e Mumit, por marrëdhënia ime me futbollistin është ekskluzivisht miqësore dhe pa asnjë dimension emocional apo romantik…” tha ajo, duke theksuar se “çdo element intimiteti ekziston vetëm brenda një marrëdhënieje”, tha Ekaterina (siç e raportuan mediat ruse emrin e saj) por askush nuk e besoi, ndërsa në të njëjtën kohë Dinamo e Moskës po pret kthimin e futbollistit për të dëgjuar shpjegimet e tij dhe më pas për të vendosur për dënimin e tij.

Kush e di, ndoshta duke u kthyer nga ndeshjet e ekipit Kombëtar, ai e ka gjetur… xhaxhain e tij të humbur prej kohësh./Top Channel