Mëngjesi i së premtes ka nisur ndryshe në shtëpinë e “Big Brother VIP Albania 4”, me një sfidë që ka testuar durimin e banorëve.
Këtë herë, ata janë detyruar të qëndrojnë të qetë dhe të mos reagojnë, kur në shtëpi u fut ish-banorja e njohur Livia Brunga.
Livia, e cila deri para pak javësh kishte bashkëjetuar me banorët, bëri një surprizë për ta. Ajo hyri në shtëpi në mëngjes dhe shkoi t’i zgjonte banorët, duke krijuar një moment tensioni dhe emocioni, pasi ata duhej të mos shprehnin asnjë reagim, pavarësisht se sa e papritur ishte kjo vizitë.
Banorët e shtëpisë, të angazhuar në sfidën e mosreagimit, ia dolën të qëndrojnë të qetë dhe të kontrolluar, përveç Rozanës, e cila nuk mundi ta fshehë emocionin.
Kjo sfidë e re i ka shtuar një tjetër dimension dinamizmit dhe marrëdhënieve ndërmjet banorëve të “Big Brother VIP Albania 4”, duke treguar se ndonëse janë të mbyllur në një hapësirë të caktuar, emocionet dhe lidhjet e krijuara janë shumë të vërteta dhe thelbësore.
