Arbër Hajdari ka hyrë zyrtarisht në histori si opinionisti më jetëgjatë i “Big Brother VIP Albania”. Me pjesëmarrjen e tij për të pestin sezon radhazi, Hajdari thyen një rekord të padiskutueshëm në formatin më të ndjekur televiziv në vend.

Prej pesë vitesh me radhë, Arbër Hajdari është i pranishëm në karrigen e opinionistit, duke u kthyer tashmë në një figurë konstante të spektaklit. Një rekord që rrallë shihet në televizionin shqiptar, sidomos në formate ku ndryshimet dhe “rifreskimi” i panelit janë thuajse të përvitshme.

Në rrjetet sociale, kjo vazhdimësi nuk ka kaluar pa u vënë re. Shumë ndjekës e kanë krahasuar Hajdarin me kryeministrin Edi Rama, duke ironizuar faktin se ashtu si Rama nuk largohet nga pushteti, as Arbër Hajdari nuk “largohet nga kolltuku” i opinionistit të Big Brother VIP.

Prej vitesh, para çdo sezoni, kanë qarkulluar zëra se Hajdari do të largohej nga ky rol, se paneli do të ndryshonte apo se do të silleshin opinionistë të rinj. Por, si në një skenar të përsëritur, Arbër Hajdari shfaqet sërish në ekran, i palëkundur në të njëjtin pozicion.

Ironia e publikut e përshkruan situatën si “punonjësi i përhershëm që ankohet se do të largohet nga puna, por në fund është gjithmonë aty, prezent çdo mëngjes”. Një metaforë që ka gjetur jehonë të gjerë online.

Pavarësisht kritikave apo komenteve ironike, një gjë mbetet e qartë: Arbër Hajdari është tashmë pjesë e pandashme e identitetit të Big Brother VIP Albania. Pëlqehet apo jo, prania e tij ka krijuar vazhdimësi dhe stabilitet në format.

Dhe ndërsa debatet vazhdojnë, rekordi është thyer:

5 sezone rresht opinionist – një arritje që, për momentin, duket e aarritshme për këdo tjetër,