Vetëm një muaj më parë, në një shkrim të saj në revistën New Yorker, ajo kishte zbuluar se i kishin mbetur më pak se një vit jetë, pasi ishte diagnostikuar me leuçemi mielogjene me një mutacion të rrallë.

“Ndoshta truri im po e riprodhon jetën time tani që kam një diagnozë përfundimtare dhe të gjitha këto kujtime do të humbasin”, shkruante Schlossberg, vajza e Caroline Kennedy dhe mbesa e Jackie Kennedy.

Ajo ishte nënë e dy fëmijëve, një djali tre vjeç, Edwin, dhe një vajze 19 muajshe. Lajmi për vdekjen e saj u bë publik nga Fondacioni i Bibliotekës JFK.

“Tatiana jonë e bukur u nda nga jeta këtë mëngjes. Do të mbetet përgjithmonë në zemrat tona”, thuhej në mesazhin e shkurtër të publikuar në Instagram, i nënshkruar nga anëtarë të familjes (George, Edwin dhe Josephine Moran, Ed, Carolina, Jack, Rose dhe Rory).

Në shkrimin e saj, Schlossberg përshkruante momentin kur mjekët i diagnostikuan kancerin vetëm disa orë pas lindjes së fëmijës së saj të dytë, në maj të vitit 2024.

Që prej asaj kohe, ajo iu nënshtrua trajtimeve me kimioterapi dhe transfuzione gjaku, si edhe një transplanti të palcës së kockave. Sipas New York Post, mutacioni i rrallë nga i cili vuante shfaqet zakonisht te pacientë të moshuar.

Me ndihmën e mjekëve, Schlossberg kaloi periudha përmirësimi dhe rikthimi të sëmundjes, ndërsa në shkrimin e saj përshkruan edhe momentet e vështira gjatë trajtimit CAR-T, një metodë inovative për trajtimin e leuçemisë.

“Kur u diagnostikova me leuçemi, mendimi im i parë ishte se kjo nuk mund të po ndodhte me mua, me familjen time”, shkruante ajo. Në tekst ajo flet gjithashtu për mbështetjen e madhe që mori nga familja, duke zbuluar se motra e saj dhuroi qeliza staminale për trajtimin e saj,