Elbasan, 16 Mars 2025 – Flakët kanë përfshirë një ish-godinë shkollore në lagjen Kala të Elbasanit, e cila prej kohësh nuk ishte në funksion.
Godina, e njohur më parë si shkolla “Kostandin Kristoforidhi” para viteve ‘90, u kthye më vonë në një shkollë private nga familja “Dakli”, pasi u rikthye pronarëve pas ndryshimeve të sistemit.
Zjarrfikësit kanë mbërritur menjëherë në vendngjarje dhe po punojnë për shuarjen e flakëve, duke u përpjekur të shmangin përhapjen e tyre në banesat përreth. Deri më tani, nuk raportohet për të lënduar, ndërsa autoritetet po hetojnë shkaqet e zjarrit.
