Policia e Tiranës ka njoftuar se ka proceduar penalisht Adriatik Lapajn dhe arrestuar disa persona të tjerë pas ngjarjeve të regjistruara gjatë protestës së zhvilluar nga “Shqipëria Bëhet” tek Kryeministria

Sipas njoftimit zyrtar, specialistët për Hetimin e Krimeve të Komisariatit të Policisë nr. 1 kanë arrestuar shtetasit: E. H., 30 vjeç; A. M., 40 vjeç; E. H., 39 vjeç; E. Ll., 41 vjeç

Ndërkohë, materialet hetimore janë referuar në Prokurori, ku ka nisur procedimi penal edhe për shtetasit V. H., A. Sh., E. L., A. B., A. Sh. dhe M. Xh. Këta shtetas akuzohen se gjatë protestës kanë hedhur sende të forta në drejtim të punonjësve të Policisë.

Si pasojë e veprimeve të dhunshme, janë lenduar dy efektivë policie, njëri prej të cilëve vijon të jetë i shtruar në spital nën kujdes mjekësor.

Gjithashtu, Policia ka nisur procedim penal edhe ndaj Adriatik Lapajt dhe dy shtetasve të tjerë, që sipas policisë dyshohet se kanë zaptuar hapësirën publike përpara godinës së Kryeministrisë, duke vendosur një çadër dhe objekte të tjera pa leje dhe në kundërshtim me urdhrat e efektivëve të rendit