Një operacion i policisë në fshatin Barbullush, në Vaun e Dejës, ka çuar në zbulesën e dy ambienteve të përshtatura për kultivimin e bimëve na rkotike me anë të llambave. Gjatë operacionit, autoritetet kanë arr estuar një 31-vjeçar dhe kanë shpallur në kërkim 4 persona të tjerë të dyshuar për përfshirje në aktivitetin kriminal.

Gjatë kontrollit të ambienteve, janë sekuestruar 583 bimë të dyshuara na rkotike kanabis, 7 kilogramë e 490 gramë kanabis, si dhe 307 pajisje elektrike që shërbenin për kultivimin e bimëve na rkotike. Po ashtu, janë sekuestruar edhe 3 celularë që do të përdoren për hetimet e mëtejshme.

Në kuadër të operacionit, janë ndaluar gjithashtu 3 punonjës të OSHEE-së, të cilët dyshohen për përfshirje në këtë aktivitet të paligjshëm. Hetimet vazhdojnë për zbardhjen e plotë të kësaj çështje dhe identifikimin e të përfshirëve të tjerë.

NJOFTIMI:

Në vijim të planit të masave për evidentimin dhe goditjen e kultivimit të bimëve na rkotike në ambiente të mbyllura, bazuar edhe në informacionet e siguruara në rrugë operative, shërbimet e Komisariatit të Policisë Vau i Dejës, në bashkëpunim me ato të Seksionit për Hetimin e Na rkotikëve në DVP Shkodër, dhe të mbështetura nga Forca Operacionale dhe “Shqiponjat”, kanë ushtruar kontrolle intensive në ambiente të mbyllura, me qëllim konstatimin dhe goditjen e rasteve të kultivimit të bimëve narkotike me anë të llambave, tharjes dhe përpunimit të tyre për shitje.

Në këtë kuadër u organizua dhe u finalizua faza e pestë të operacionit policor të koduar “Neonët”.

Gjatë operacionit u arrestua në flagrancë shtetasi A. Ç., 31 vjeç, banues në Shkodër, dhe u shpallën në kërkim shtetasit Gj. G., 46 vjeç, L. G., 53 vjeç, E. G., 43 vjeç dhe M. G., 51 vjeç, të gjithë banues në fshatin Barbullush.

Në vijim të operacionit u ndaluan edhe shtetasit F. H., 31 vjeç, banues në fshatin Ashtë, A. Gj., 46 vjeç, banues në fshatin Barbullush, dhe Z. N., 27 vjeç, banues në fshatin Mali i Jushit, punonjës të OSHEE-së, për veprën penale “Shpërdorimi i detyrës”, kryer në bashkëpunim.

Nga kontrollet në dy ambiente (banesa), në fshatin Barbullush, të përshtatura për kultivimin dhe tharjen e bimëve narkotike kanabis, shërbimet e Policisë gjetën dhe sekuestruan, në cilësinë e provës materiale, 583 bimë të dyshuara narkotike kanabis, 7 kg e 490 gr kanabis, 307 pajisje elektrike që shërbenin për kultivimin e bimëve narkotike, 3 celularë.

Vijon puna intensive për dokumentimin e plotë të kësaj veprimtarie kriminale.

Materialet procedurale iu kaluan Prokurorisë së Shkodrës për veprime të mëtejshme.