Një ngjarje e rëndë ka tronditur botën e sportit, pasi një futbollist vetëm 15 vjeç ka humbur jetën në rrethana tragjike gjatë pushimeve familjare në Marok. I riu, i identifikuar si Youssef Khachroub, ndodhej në zonën e Marrakech Golf City, ku po kalonte festat e fundvitit me familjen e tij.

Sipas mediave ndërkombëtare, adoleshenti kishte dalë për një vrap në mbrëmje, kur u përball me një grup qensh endacakë. Në përpjekje për t’u larguar, ai ka rënë në një pus rreth 50 metra të thellë. Trupi i tij u gjet disa orë më vonë, pas një kërkimi intensiv.

Familjarët kanë bërë me dije se Youssef kishte frikë të madhe nga qentë, ndërsa babai i tij ka denoncuar mungesën e masave të sigurisë në zonë, duke theksuar se pusi nuk ishte i rrethuar dhe nuk kishte asnjë paralajmërim apo mbikëqyrje. Familja ka depozituar një kallëzim penal ndaj përgjegjësve të zonës rezidenciale dhe të ndërtimit.

I riu kishte nisur rrugëtimin e tij sportiv që në moshë shumë të vogël, duke kaluar në akademi të njohura në Francë, përpara se t’i bashkohej FC Mougins, ku po spikaste si një nga talentet më premtuese të grupmoshës së tij,