Në vijim të zjarrit të fuqishëm që përfshiu tregun e rrobave pranë rrugës “5 Maji” në Tiranë, pamje të mbërritura në redaksinë e JOQ Albania tregojnë momentet dramatike kur pronarët e dyqaneve përpiqen të shpëtojnë ç’të munden nga malli i tyre.
Në videot e dërguara shihen kryesisht gra, të tronditura dhe në panik, teksa nxjerrin me nxitim rroba dhe sende nga dyqanet, vetëm pak metra larg flakëve që po përhapeshin me shpejtësi. Mes tymit të dendur dhe kaosit, ato përpiqen të largojnë mallin përpara se zjarri të përfshijë gjithçka.
Situata paraqitet e rëndë, me britma dhe lëvizje të çrregullta, ndërsa çdo minutë rreziku bëhej edhe më i madh. Për shumë prej tyre, këto dyqane përbëjnë burimin e vetëm të të ardhurave.
