Deklarata e bërë një ditë më parë nga gazetari Blendi Fevziu mesa duket ka nxitur një tjetër përplasje në rrjet, kësaj here mes tij dhe kreut të qeverisë Edi Rama. Pak pas reagimit të këtij të fundit, një kundërpërgjigje “flakë për flakë” ka ardhur dhe nga vetë Fevziu.

Në një postim në faqen e emisionit “Opinion”, gazetari ka ripublikuar deklaratën e kreut të qeverisë, duke sqaruar se një tjetër reagim do të vijë nga ai në vijm.

Fevziu ka theksuar se aktualisht vëmendja e tij është e përqëndruar te ngjarjet e rënda që po trondisin vendin, konkretisht te zjarri i mbrëmjen së kaluar që përfshiu tregun, duke shkaktuar dëme të konsiderueshme financiare për tregtarët e vegjël.

“Pergjigjen mbasdite se kete moment po shoh pak tregun e djegur bashke me miliona eurot e tregtareve te vegjel shqiptare qe u treten ne zjarrin e mbremshem. Kronike e zeze dmth”, thuhet në reagimin e Fevziut, një reagim i cili është interpretuar në rrjet si një “ironi” për kreun e qeverisë.

Kujtojmë se mbrëmjen e kaluar, gjatë emisionit “Opinion”, Blendi Fevziu u shpreh se disponon prova se të paktën 7 ministra të kabinetit Rama gjatë fundjavave kanë qenë në udhëtime private jashtë vendit, ndërkohë që në televizionet shqiptare transmetoheshin “kasetat” e regjistruara më herët nga inspektimet e tyre.

“Në gjysmat e rasteve kur shihni ministra, ditëve të diela pasdite, që dalin nëpër televizione duke inspektuar, apo të shtunave paradite, dijeni se i kam me fakte, të paktën 7 prej tyre i kam me fakte janë të skeduara, janë udhëtime jashtë shtetit janë në udhëtime private, lënë kasetat për të treguar që janë në punë.

Këtë po ja u garantoj, i kam shtatë raste të skeduara dhe do vazhdojmë t’i skedojmë. Pasi kjo nuk është vetë arrogancë, kjo nuk është një lloj po e quaj shpërfillje. Ndaj atyre që të paguajnë rrogën. Ky është një model i cili po shkatërron dhënien e përgjegjësisë në shoqërinë shqiptare”, tha Fevziu mbrëmjen e së enjtes në studion e Opinion, ndërkohë që mesditën e sotme erdhi dhe reagimi i kreut të qeverisë i cili hodhi poshtë këto pretendime të gazetarit duke i kujtuar këtij të fundit “7 udhëtimet” e tija,