Bashkia e Durrësit ka njoftuar se qyteti bregdetar pritet që të përballet me erëra të forta gjatë orëve në vijim.

Pas përmbytjeve katastrofike që kanë prekur zonën, duke filluar nga ora 16:00 e ditës së sotme, era nga drejtimi jugor do të intensifikohet.

Kjo duke arritur shpejtësi deri në 25 m/sek, situatë e cila do të zgjasë deri në orët e para të mëngjesit të së shtunës.

Bashkia Durrës iu ka bërë apel qytetarëve të shmangin daljet e panevojshme, pasi priten era të forta.

Njoftimi i Bashkisë:

Sipas parashikimeve meteorologjike, qyteti ynë pritet të përballet me erëra të forta. Duke filluar nga ora 16:00 e ditës së sotme, era nga drejtimi jugor do të intensifikohet, duke arritur shpejtësi deri në 25 m/sek, situatë që do të zgjasë deri në orët e para të mëngjesit të së shtunës.

U bëjmë thirrje qytetarëve të shmangin lëvizjet e panevojshme dhe të tregojnë kujdes maksimal. Ju lutemi ndiqni njoftimet zyrtare për sigurinë tuaj dhe të familjarëve. Strukturat tona do të jenë në gatishmëri të plotë për çdo problematikë që mund të paraqitet.