Sipas të dhënave zyrtare, ndërtimi i tunelit ka kushtuar mbi 200 miliardë lekësh, një investim i konsiderueshëm i financuar nga taksat e qytetarëve shqiptarë. Megjithatë, pamjet e fundit tregojnë një realitet shqetësues.

Nga pamjet shihet qartë se uji depërton nga tavani i tunelit, me rrjedhje të forta dhe të vazhdueshme. Tavani duket i çarë, ndërsa uji bie drejtpërdrejt mbi asfalt, duke ngritur alarmin për sigurinë e qytetarëve të cilët përdorin ktë aks rrugor.

https://www.instagram.com/reel/DTTTl2Bkx_3/?igsh=MWg1dzh3emxlN2puMQ==

Ky projekt u promovua gjerësisht nga qeveria si një vepër strategjike, simbol i zhvillimit dhe modernizimit të infrastrukturës kombëtare. Sot, vetëm pak kohë pas përfundimit, tuneli paraqet pamje që bien ndesh me standardet që priten nga një investim i kësaj përmase.

Tuneli i Llogarasë është ndërtuar dhe mbikëqyrur nga Ministria e Infrastrukturës dhe Energjisë, e drejtuar nga Belinda Balluku. Gjatë vitit 2025, Prokuroria e Posaçme kundër Korrupsionit dhe Krimit të Organizuar (SPAK) ka zhvilluar hetime mbi procedurat e tenderimit të këtij projekti.

Sipas njoftimeve zyrtare, hetimet kanë evidentuar problematika serioze në procesin e prokurimit, ku tenderi dyshohet se është strukturuar në mënyrë të tillë që favorizonte një operator të paracaktuar, në kundërshtim me parimin e barazisë dhe konkurrencës së ndershme. Në këtë kuadër, SPAK ka njoftuar se Belinda Balluku është proceduar për veprën penale të “shkeljes së barazisë së pjesëmarrësve në tendera”, lidhur pikërisht me projektin e tunelit të Llogarasë.

Pamjet e publikuara së fundmi e bëjnë edhe më urgjente nevojën për llogaridhënie institucionale, transparencë mbi gjendjen reale të veprës dhe masa konkrete për garantimin e sigurisë së qytetarëve.

Zoom.al/