Një 17-vjeçar nga qyteti i Bajram Currit rezulton i humbur prej dy ditësh. Të alarmuar nga situata, prindërit kanë bërë kallëzim në Komisariatin e Policisë Tropojë, duke kërkuar ndihmën e autoriteteve për gjetjen e djalit të tyre.
Sipas njoftimit zyrtar të policisë, më datë 14 janar është raportuar largimi nga banesa i shtetasit S. Z., 17 vjeç, banues në Bajram Curri. Menjëherë pas denoncimit, strukturat policore kanë nisur kërkimet për lokalizimin e tij. Deri më tani nuk ka informacione mbi rrethanat e largimit, nëse bëhet fjalë për një largim vullnetar apo për ndonjë konflikt të mundshëm familjar, ndërsa rasti vijon të mbetet i paqartë.
Policia bën me dije se të dhënat dhe fotografia e 17-vjeçarit janë shpërndarë në të gjitha komisariatet dhe pikat kufitare të vendit, ndërkohë që materialet procedurale i janë referuar Prokurorisë për veprime të mëtejshme.
