Brikena Selmani, ish-Miss Kosova dhe një nga banoret më të përfolura të “Big Brother VIP Albania 5”, është vënë në shënjestër të sulmeve nga jashtë shtëpisë. Këtë herë, “shigjetat” kanë ardhur nga një ish-konkurente e formatit, Armela Hyseni.
Përmes një postimi në rrjetet sociale, Armela ka ironizuar rëndë figurën e Brikenës, duke iu përgjigjur edhe fansave që i kanë dalë në mbrojtje modeles. Ajo ka bërë një krahasim të fortë, duke e paralelizuar sjelljen e Brikenës me atë të personazhit të njohur për skandale, Serena Sula.
“T’i bëj pak diss fansave që më janë sulur për të mbrojtur ‘vajzën e mirë’ që ia merrka Serena Sulës në kthesë. Gjen dhe bën, në rregull është,” ka shkruar Armela në Instastory, duke lënë të kuptohet se imazhi i “vajzës së mirë” që Brikena po shfaq, është thjesht një fasadë.
