Një 12-vjeçar është transportuar në spital pasi është plagosur aksidentalisht në oborrin e banesës së tij, në Tiranë. Ngjarja ka ndodhur pasditen e 17 janarit, ndërsa i mituri po tentonte të mbyllte portën e jashtme të oborrit. Sipas informacionit paraprak, porta e hekurit ka dalë nga shinat dhe ka rënë mbi trupin e të miturit, duke i shkaktuar dëmtime.
Rrethanat e plota të incidentit mbeten ende për t’u sqaruar. Familjarët kanë ndërhyrë menjëherë duke e dërguar 12-vjeçarin në spital, ku ai ndodhet nën kujdesin e mjekëve. Gjendja e tij shëndetësore po monitorohet nga stafi mjekësor.
