Luçiano Boçi është shprehur se fragmentarizimi i opozitës ka qenë një nga format me të cilat kryeministri Edi Rama ka sulmuar opozitën.

Boçi theksoi se qëllimi kryesor mbetet rrëzimi i Ramës dhe sipas tij për këtë fronti opozitar duhet të jetë i bashkuar.

Boçi u pyet edhe lidhur me takimet e Ervin Salianjit, teksa theksoi se pozicionin e tij e ka përcaktuar vetë Salianji, duke shtuar se ambicia asnjëherë nuk duhet të kalojë në ego.

“Unë jam brenda PD, unë do thoja që pozicionin se ku është Salianji e ka përcaktuar ai vetë. Dhe ka thënë jam pjesë e PD. Dhe mënyrën se si operon, artikulohet se i shërben PD sipas gjykimit të tij. Por unë mendoj që secili ka pasqyrën e vet dhe sheh pozicionin e vet dhe ka përgatitjen për të gjykuar se ku është dhe çfarë duhet të bëjë, por kalkulimet janë kalkulime.

Nuk jemi individe qe kemi vetëm ambicie,por i shërbejmë një hapësire me njerëz dhe force më të madhe, por mendoj që ambicia të mos kalojë në ego dhe ka kaluar apo jo, këtë e di vetë Salianji. Fragmentarizimi i opozitës ka qenë një nga format me të cilat Rama ka sulmuar opozitën dhe është investuar“, tha Boçi