“Është shtrenjtuar paketa juaj?” “Po.” “Sa?” “Me 30 lekë.”

Prej shumë kohësh akciza mbi duhanin dhe produktet e tij, rritet në mënyrë të përvitshme, duke u reflektuar në shtrenjtimin e tij në treg.

Megjithatë konsumi në Shqipëri nuk ka reflektuar rënie. Sipas të dhënave zyrtare nga Ministria e Financave, deri në fund të nëntorit janë importuar 3154 tonë cigare, nga 2 844 tonë që ishte sasia e importuar në të njëjtën periudhë të vitit 2024.

“E keni mësuar që kalamaj, tani është ves’, thotë një qytetar.

“Po kjo paketë bën 3500 (lekë të vjetra) edhe unë jam në pension parakohshëm. Unë e fus kështu vetëm për të mundur stresin’, thotë qytetari.

“Shpresoj ta lë. Po nuk është se e kam tentuar ndonjëherë”, thotë një tjetër.

Mjekja pranë Institutit të Shëndetit Publik, Gentiana Qirjako, shprehet se përgjithësisht dunapirja nis në moshë të re, dhe askush nuk mendon për pasojat, edhe pse shenjat e para shfaqen herët.

“Efektet shëndetësore nuk shfaqen menjëherë, gjë që i gënjen të rinjtë. Megjithatë, ka shenja si kolla e bezdisshme, ndryshimi i zërit dhe vështirësia në përqendrim’, tha mjekja Gentiana Qirjako.

Me kalimin e viteve, sipas Qirjakos, këto pasoja bëhen edhe më të rënda.

“Zakonisht po themi rreth 40-ave fillojnë të duken dukshëm efektet. Mund të lidhen dhe me sëmundjet e zemrës. Shpeshherë hipertensioni, sëmundjet e tjera kardiake janë të lidhura dhe me përdorimin e du duhanit. Pastaj efekti kryesor pa diskutimi që është kanceri i mushkërisë”, tha ajo.

Shumica e konsumatorëve janë të vetëdijshëm për pasojat që duhanpirja sjell në shëndet.

“Nuk duhet ta pimë. Shumë gabim’, thotë një qytetar.

“Po mjeku atë në radhë të parë thotë, le duhanin se bën dëm’, thotë një tjetër.

Por pse qytetarët e kanë kaq të vështirë të heqin dorë nga ky ves?

“Shpesh herë të rinjtë thonë që unë ndihem nervoz, kam ankth kur nëse nuk pit cigare dhe kjo është e vërtetë dhe është efekt pikërisht i asaj që ne lidhim me varësinë. Ditët e para, javët e para do të thoja janë shumë të vështira dhe sigurisht që lidhen shpesh dhe me një qëllimin që individi i vë vetes’, thotë mjekja.

Sipas mjekëve, vullneti dhe dëshira e individit për të hequr dorë nga duhani mbeten elementët kyç për suksesin e këtij procesi./ReportTv.al,