Për herë të parë që nga nisja e rrugëtimit të Rogertit në “Big Brother VIP Albania”, bashkëshortja e tij ka folur publikisht në një intervistë ekskluzive për “Big Brother Radio”, duke komentuar lojën e tij dhe reagimet e ashpra të publikut. E pyetur se si po e përjeton familja këtë eksperiencë dhe komentet në rrjet, ajo u shpreh se impakti ka qenë i fortë, sidomos në fillim.

Ajo kujtoi momentet e para të prezantimit, ku kurioziteti dhe komentet ishin të shumta: “Është komentuar shumë… kush është kjo grua, kush është kjo femër që qëndron pranë këtij njeriu”. Bashkëshortja e banorit pranoi se ndërsa Rogerti ka mbështetësit e tij, ka edhe një anë të errët të komenteve online.

“Njerëzit jashtë nuk po kursehen… janë pa kufi, pa filtra” – u shpreh ajo, duke theksuar agresivitetin e reagimeve në rrjetet sociale.

Pavarësisht kritikave, ajo doli në mbrojtje të strategjisë së tij, duke e cilësuar si një zgjedhje të vështirë por të vërtetë.

“Më vjen mirë që Rogerti ka zgjedhur të jetë ky model… Të jesh modeli i mirë, ‘mamirë mendja’, është shumë e thjeshtë. Të jesh i keqi i domosdoshëm… është e vështirë të përqafohet”.

Ajo e mbylli duke theksuar se Rogerti po thotë disa të vërteta brenda shtëpisë, sado të hidhura qofshin ato: “E vërteta është e hidhur, por është e vërtetë. Mendoj se Rogerti ka thënë disa të vërteta aty brenda”.