Dje në ambientet e sallës plenare u zhvillua ceremonia e hapjes së punimeve të Legjislaturës IV të Parlamentit të Nxënësve të Shqipërisë, ku të rinj të talentuar nga gjithë vendi morën pjesë për të diskutuar çështje edukative dhe shoqërore. Në një kohë kur Parlamenti është mbushur me deputetë analfabetë si dhe deputetë që vetëm ngrohin karriget një 12 vjeçare ka bërë xhiron e rrjetit për mënyrën e komunikimit në Kuvendin e Republikës së Shqipërisë.

Ambra Alimeta, një 12-vjeçare nga Elbasani, me mënyrën e saj të komunikimit dhe argumentimin e qartë të ideve të saj, arriti të “mposhtë” me stil deputetët e pranishëm. Video e saj duke folur në Kuvend bëri xhiron e rrjeteve sociale, duke tërhequr vëmendjen për mençurinë dhe guximin e një të rrituri të vogël në një ambient të madh politik. Ambra u bë shembull i një komunikimi bindës, duke dhënë mesazhin se aftësitë për të folur dhe për të shprehur mendime nuk kanë të bëjnë me moshën.