Një ngjarje tragjike ka ndodhur pasditen e sotme në fshatin Stanovc të Vushtrrisë. Një grua u vra me armë zjarri nga ish-shefi i saj e më pas dorasi bëri vetëvrasje.

Gruaja e vrarë është 42 vjeçarja, Nexhmie Musliu Haradini. Ajo u vra me armë zjarri nga Arsim Morina, pronari i furrës “Diellza” ku kishe punuar më herët e ndjera.

Ajo ka qenë e martuar dhe ka lënë pas vetës tre fëmijë. Dy vajza dhe një djalë. Djali është i moshës 18 vjeçare ndërsa dy vajzat me të vogla. E me vrasjen e Nexhmie Haradinit, ka reaguar edhe djali i saj, Alaudin Haradini.

“InshaAllah n’Xhenet Nana jem”, ka shkruar ai.

Ajo është vrarë me armë zjarri nga Arsim Morina, cili më pas vrau veten. Ai është pronari i furrës “Diellza” ku kishte punuar më herët gruaja e vrarë. Dy viktimat nuk kanë asnjë lidhje familjare përveç faktit se e ndjera ka qenë punëtore në furrën “Diellza”.

Insajderi mëson se ajo ka qenë e martuar dhe ka lënë pas vetës tre fëmijë. Dy vajza dhe një djalë. Djali është i moshës 18 vjeçare ndërsa dy vajzat e mitura.

Referuar ngjarjeve dyshohet se ngjarja ka ndodhur në një nënkalim. Si dhe shihen viktimat të shtrirë në tokë, pranë njëri-tjetrit.

Sipas një të afërmi të viktimës, shkak i vrasjes dyshohet se ka qenë xhelozia e pronarit.

Viktima, Nexhmije Haradinaj kishte lënë punën te furra dhe së fundmi po punonte për dikë tjetër.