Pamjet që shikoni janë nga aksidenti tragjik me pasojë vdekjen e një personi në Itali, ku një autobus turistësh ra në lumin “Po” në Torino.
Në sfond dëgjohen boritë e makinave dhe qytetarë të cilët filmojnë momentin kur autobusi bie në lumë. Shkaqet e aksidentit janë ende të paqarta ndërsa mësohet se kanë nisur hetimet.
Sipas raportimeve, humbi jetën shoferi i autobusit dhe u plagosën tre pasagjerë. Fillimisht shoferi u gjet me shenja jete nga ekipet e shpëtimit ndërsa thuhet se ndërroi jetë në spital.
Siç shihet në pamjet e publikuara nga mediat italiane, autobusi gri i Di Carlo Tour nga Campobasso shfaqet duke ecur mbrapsht, kalon parapetin e Murazzit, prek lehtë një semafor dhe zhytet ngadalë në lumë, sikur gjithçka të ndodhte në ngadalësim filmik.
