Aksident tragjik në Mat – Humb jetën 41-vjeçari me motor në aksin Burrel-Komsi
Një ngjarje e rëndë ka ndodhur mbrëmjen e sotme, rreth orës 21:40, në aksin rrugor Burrel-Komsi, ku një 41-vjeçar ka humbur jetën si pasojë e një aksidenti me motor.
Sipas informacioneve paraprake, shtetasi Edmond Bardhi, duke drejtuar një motomjet, dyshohet se ka humbur kontrollin, duke dalë nga rruga.
Ai është transportuar me urgjencë në spital, por nuk ka mundur të mbijetojë për shkak të plagëve të rënda.
Grupi hetimor, nën drejtimin e Prokurorisë, po punon për të zbardhur rrethanat dhe shkaqet e aksidentit tragjik. /noa.al
