Një nënë shqiptare që jeton në Greqi ka ngritur një alarm shqetësues pasi bashkëshorti i saj sirian është larguar me dy fëmijët e tyre të mitur drejt Sirisë, pa dijenë dhe pëlqimin e saj. Vjollca Sula ka kontaktuar redaksinë e JOQ Albania, duke bërë një apel për ndihmë nga institucionet shqiptare dhe opinioni publik.

Sipas rrëfimit të saj, ngjarja ka ndodhur më 13 janar 2025 në Athinë, kur bashkëshorti i saj, si zakonisht, ka marrë fëmijët për të shkuar në kopsht, por nuk është kthyer më. Pas verifikimeve, ajo ka mësuar se ai është larguar drejt Sirisë me fëmijët, të cilët janë vetēm 5 dhe 3-vjeç.

“Ju lutem më ndihmoni të kthej fëmijët e mi pranë meje. Kam kontaktuar me ambasadën shqiptare dhe greke, por askush nuk më ka ndihmuar. Më thanë se nuk mund të më ndihmojnë. Vetēm shteti shqiptar mund të më ndihmojë në këtë situatë të rëndë,” – thotë ajo në mesazhin e saj.

Rasti ka marrë vëmendjen edhe në mediat greke, ku “Amber Alert Hellas” ka njoftuar zhdukjen e dy fëmijëve, duke e lidhur me mararjen e tyre nga i ati. Ndërkohë, nëna apelon që shteti shqiptar të ndërhyjë, të paktën përmes ambasadës në Siri, për të lehtësuar kontaktet me autoritetet ndërkombëtare dhe për të mundësuar kthimin e fëmijëve në Greqi.