Një aksident automobilistik ka ndodhur pak minuta më parë në aksin rrugor Fier- Kraps.
Një mjet është përplasur me një motocikletë dhe si pasojë e goditjes së fortë , drejtuesi i motorit ka përfunduar në rrugë me dëmtime.
Ilmi Saliaj raporton për Balkanweb se në vendngjarje ka mbërritur menjëherë policia dhe ambulanca e cila e ka transportuar me urgjencë drejt Spitalit Rajonal Fier, ku ndodhet nën kujdesin e mjekëve jashtë rrezikut për jetën.
Ndërkohë grupi hetimor po punon për zbardhjen e plotë të shkaqeve të këtij aksidenti.
