Një 15-vjeçar është arrestuar nga policia në Tiranë, pasi u kap duke lëvizur me një armë zjarri në zonën e Fushë-Mëzezit. Autoritetet u vunë në lëvizje pasi morën informacione që i mituri mbante armë dhe po qarkullonte në këtë zonë.
Gjatë kontrollit të ushtruar ndaj të miturit, i identifikuar me inicialet A.K., u gjetën dhe u sekuestruan një armë zjarri dhe një dorezë metalike, e njohur si përforcues grushti. Këto u konfiskuan si prova materiale për hetimin e mëtejshëm.
Policia njoftoi se materialet e rastit i janë dërguar Prokurorisë për veprime të mëtejshme ligjore. Ndërkohë, vijojnë hetimet për të zbuluar se si i mituri kishte arritur të siguronte armën dhe nëse ishte i përfshirë në veprimtari të tjera të paligjshme.
