Humb jetën një punonjës gjatë punimeve në aeroportin e Akërnisë
Një ngjarje tragjike është shënuar këtë pasdite në ambientet e aeroportit të Vlorës, në fshatin Akërni.
Rreth orës 15:40, i riu Dorian Hasani, 38 vjeç, dyshohet se është rrëzuar aksidentalisht nga lartësia gjatë kryerjes së punimeve në zonën e terminalit të aeroportit. Për fat të keq, ai ka humbur jetën në vendngjarje.
Grupi hetimor ndodhet në terren dhe po punon për të zbardhur të gjitha rrethanat e ngjarjes. Sipas burimeve paraprake, në kuadër të hetimeve do të merren në pyetje personat përgjegjës për punimet që po zhvillohen në kantierin e aeroportit të ri.
Autoritetet kanë nisur një hetim të plotë për të përcaktuar shkakun e aksidentit dhe për të verifikuar nëse janë respektuar standardet e sigurisë në punë. /noa.al
