Një konflikt i dhunshëm ka ndodhur pasditen e sotme në ambientet e një zyre elektorale të Partisë Socialdemokrate (PSD), në rrugën “Ali Demi” në Tiranë.

Ngjarja ka ndodhur rreth orës 14:00, ku disa persona janë përfshirë në një sherr fizik. Pas përplasjes, të përfshirët janë larguar me shpejtësi nga vendngjarja, përpara se të mbërrinte policia.

Sipas njoftimit zyrtar të Policisë së Tiranës, gjatë këqyrjes së vendit të ngjarjes, u konstatua se xhami i zyrës së PSD ishte dëmtuar, dyshohet si pasojë e goditjeve me sende të forta. Gjithashtu, në vendin e ngjarjes janë gjetur dhe sekuestruar dy fishekë luftarak, çka ka shtuar dyshimet për një përshkallëzim të mundshëm të konfliktit.

Forca të shumta policie dhe grupi hetimor ndodhen në vendngjarje, ndërsa kanë nisur hetimet për identifikimin dhe kapjen e personave të përfshirë, të cilët janë larguar me një automjet.

Nën drejtimin e Prokurorisë po vijon puna për zbardhjen e plotë të rrethanave dhe motivit të këtij