Një event në liqenin Havasu të Arizonës për pak sa nuk përfundoi në tragjedi për dy garues, të cilët po pilotonin një varkë të tipit “Skater 388” me fuqi të jashtëzakonshme prej 10 000 kuaj-fuqi.
Garuesit, të njohur me pseudonimet John Wayne dhe Clint Eastwood, synonin të thyenin një rekord shpejtësie prej 206 milje në orë, por tentativa e tyre mori një kthesë të rrezikshme kur varka doli jashtë kontrollit.
Në pamjet që janë shpërndarë gjerësisht në rrjetet sociale, varka shihet duke lundruar me shpejtësi të madhe, ndërsa ndiqej nga një helikopter që po e filmonte. Gjatë lundrimit, pjesa e përparme e mjetit shkëputet nga sipërfaqja e ujit, dhe brenda pak sekondave, një erë e fortë e ngrit të gjithë varkën në ajër.
Mjeti fluturon disa metra mbi liqen, duke kryer rrotullime gati 360 gradë në horizont, përpara se të përplaset fuqishëm kur cepi i parë prek ujin.
Dyshohet se era e fortë ka qenë një nga faktorët kryesorë që çoi në rrëzimin e varkës, por ironikisht, po ajo erë mund të ketë ndihmuar në shmangien e një tragjedie, duke amortizuar përplasjen dhe shpëtuar jetën e garuesve në bord.
