Vajza e çiftit të njohur Kiara Tito dhe Luiz Ejlli, Luna Mari, festoi ditëlindjen e saj të parë mes një atmosfere përrallore dhe plot ngjyra.

Ndërsa dje ishte data zyrtare e ditëlindjes së saj, festa madhështore është zhvilluar sot, në një ambient të hapur të dekoruar me balona pastel, forma ëmbëlsirash dhe elemente të gëzueshme për fëmijë.

Në qendër të skenës, Luna Mari shihej e përqafuar nga prindërit e saj, duke ndarë momente të veçanta me vajzën e tyre në këtë ditë të paharrueshme. Emri i saj, i shkruar me shkronja të mëdha pastel dhe numri “1”, dominonin sfondin e festës, ndërsa fytyra e vogëlushes zbukuronte edhe elementët dekorativë rreth skenës.