Opinionisti i njohur Arbër Hajdari, i cili ka qenë pjesë e të katër edicioneve të Big Brother VIP Albania, ka folur së fundmi për eksperiencën e tij në këtë spektakël.

I ftuar në emisionin “Ftesë në 5”, ai ndau disa reflektime mbi përvojat dhe sfidat që ka hasur gjatë këtyre viteve.

Arbri theksoi se brenda shtëpisë së Big Brother ka pasur raste kur banorët kanë mbajtur qëndrime të ndryshme brenda një kohe shumë të shkurtër.

“Kemi pasur dyfytyrësha boll. Kanë mbajtur dy qëndrime në një javë, dy qëndrime të ndryshme sepse ashtu i ka leverdisur. Nuk është etike t’i përmendim,, Big Brother ka mbaruar,” tha ai.

Ai ndau edhe një episod personal që e kishte përjetuar jashtë spektaklit, me një ish-banor që fillimisht e kishte kritikuar ashpër në rrjete sociale, por më pas kishte ndërruar sjellje kur e kishte takuar.

“E kam rastin me një person që më shau në rrjete sociale në nja dy vende dhe më pas kur u takova m’u hodh në krahë, më përqafoi. I them si ke qenë mirë? – ‘Kam qenë me nerva, nuk kam pasur gjë me ty, më tha. Më pas bëri fotografi me mua dhe e postoi,” tregoi ai.

Arbër Hajdari është një nga figurat më të njohura të këtij formati televiziv dhe roli i tij si opinionist ka qenë i qëndrueshëm që nga fillimi i Big Brother VIP Albania.

Ai vijon të mbajë një qëndrim të matur dhe të drejtpërdrejtë në komentimin e ngjarjeve që ndodhin në spektakël.