Një lajm i trishtë ka mbërritur në redaksinë e JOQ Albania, ku është raportuar se një i ri shqiptar ka humbur jetën tragjikisht.
Bëhet fjalë për 20-vjeçarin Angelo Kanapari, i cili pësoi një aksident të rëndë me motor në rrugën “Modena” më 25 prill në Torrita di Siena.
Ai u transportua me urgjencë me helikopter drejt spitalit të Sienës në gjendje kritike për jetën.
Fatkeqësisht, mbrëmjen e djeshme rreth orës 22:00, i riu ndërroi jetë në spital, pasi nuk mundi dot t’u mbijetonte plagëve të marra nga aksidenti i rëndë.
Në këto momente të dhimbshme, le të tregojmë solidaritet dhe mbështetje për familjen e tij, e cila po përballet me një pikëllim të pamasë.
JOQ Albania i shpreh ngushëllimet më të sinqerta familjarëve, të afërmve dhe miqve të Angelos!
