Sekreti i jetëgjatësisë është të bësh atë që do, thotë britanikja 115-vjeçare Ethel Caterham, e cila thuhet se është personi më i vjetër në planet.

E lindur në vitin 1909, Ethel pritet të bëhet gruaja e parë me origjinë britanike, që nga viti 1987, që mban rekordin botëror për jetëgjatësi. Në atë kohë, rekordi mbahej nga 114-vjeçarja Anna Williams.

Caterham, e cila i parapriu mbretërimit të Edward VII, merr titullin pas vdekjes së mbajtëses së mëparshme të rekordit, Ina Canabaro Lucas, një murgeshë braziliane e cila vdiq në moshën 116 vjeç më 30 prill.

115-vjeçarja Ethel, e cila jeton në një qendër kujdesi në Surrey, ia atribuon jetëgjatësinë e saj stilit të jetës së saj. “E kam marrë me qetësi çdo gjë që ka ndodhur në jetë, si të mirën ashtu edhe të keqen,” tha ajo për BBC në vitin 2020, duke shtuar se ka zgjedhur si qëndrim të jetës së tij të mos debatojë kurrë me askënd.

E lindur në Hampshire në vitin 1909, ajo ishte e dyta më e vogël nga tetë vëllezër e motra. Në moshën 18 vjeç, ajo punoi si shërbëtore shtëpiake në Inditë Britanike, përpara se të kthehej në Angli tre vjet më vonë për të takuar bashkëshortin e saj të ardhshëm në vitin 1931

Çifti u martua në vitin 1933 në Katedralen e Salisbury-t. Burri i Ethelit ishte oficer ushtarak në departamentin përgjegjës për çështjet financiare dhe shërbeu në Gjibraltar dhe Hong Kong, vende ku ata kaluan vite të jetës së tyre së bashku. Të dy kishin dy vajza, ndërsa burri i Ethel vdiq në vitin 1976.

Caterham ka jetuar në Surrey për 50 vjet dhe ka tre mbesa dhe pesë stërnipër e stërmbesa. “Kam udhëtuar në të gjithë botën dhe përfundova në këtë shtëpi të mrekullueshme”, tha ajo.