Plumbat e dala nga arma e Klevis Ndrecës në Laç i prenë jetën në mes 24-vjeçarit Geraldi Birti. Ndonëse luftoi për jetën me orë të tëra në Spitalin e Traumës, i riu nuk arriti që t’i mbijetonte plagëve të marra, duke mbyllur sytë kështu përgjithmonë e duke lënë pas një dhimbje të madhe të familjarët e tij, të afërmit e të gjithë miqtë, për të cilët “Geri” ishte djali punëtor e zemër mirë.
Së fundmi ka qenë kushërira e tij e cila në rrjetet sociale ka shprehur dhimbjen e madhe që ikja e Geraldit ka lënë në familje.
“Geri zemra ime, kushëri, vëlla dhe gjithçka! Nuk kam fjalë të përshkruaj dhimbjen që na dhe. Jemi rritur bashkë, zemra ime si na ike kështu! Të morën në qafë njerëzit e pa shpirtë. Do na mungosh përjetë”, shkruan kushërira e të riut, ndërkohë një tjetër mikeshë e të riut ka postuar një video të këtij të fundit ku shihet në shoqërinë e miqve të tij.
