Këngëtarja shqiptare, Rinesa, e njohur për publikun si Rinesance, ka prekur ndjekësit me një rrëfim emocional në rrjetet e saj sociale teksa ka treguar se po lufton me tumorin në tru.
Me anë të një postimi në Instagram, artistja, e cila karrierën e saj e ka zhvilluar në SHBA tregoi për fansat se prej dy muajsh po përballet me probleme serioze shëndetësore, që kulmuan me një shtrim urgjent në spital më 18 prill 2025.
Pas ekzaminimeve, ajo u diagnostikua me tumor në tru dhe iu nënshtrua dy operacioneve të vështirë, ndërsa tani Rinesa ndodhet e shtruar në spital, ku pritet të fillojë terapinë radiologjike.
“Deri para do jave s’e kom ditë çka po ndodh… Mënyra se qysh ka rrjedhë gjithçka osht bekim n’vete për mu… Muzika është motivi për me e kalu edhe këtë sfidë”, shkroi aj
Ajo çka vlen për tu admiruar është se këngëtarja po e merr me sportivitet këtë sfidë teksa shprehet se: “Gjithë kët’ kohë sa jom tu e jep maksimumin me u shëru sa ma shpejt, dashnia edhe përkrahja e juve ka me qenë forca jem ma e madhe”.
Postimi i plotë
Hej njerz!
Para do dite ju tregova pak a shumë që i kom pas do probleme shëndetësore këto dy mujt e fundit, edhe për qatë arsye mu desht me e shty publikimin e EP-së. Deri para do jave s’e kom ditë çka po ndodh, derisa u desht me u shtru në spital me 18 Prill 2025.
Për këto dy javë i kom pas dy ndërhyrje kirurgjike në tru, pasi që u diagnostifikova me tumor.
Tash jom në qendër rehabilitimi e shpejtë kom me fillu terapinë radiologjike, që pritet me zgjatë disa javë.
Me lansimin e kangës me Butën, deshta me ju thon që unë kët’ sfidë po e shoh veç si një rikujtim që i kom shumë njerz mbrapa, e s’duhet me u dorëzu, pa marrë parasyshë me cka përballem.
Mënyra se qysh ka rrejdhë gjithcka osht bekim n’vete për mu edhe po e shoh si motiv për me e kalu edhe ket’ sfide e me ju kthy muzikës qashtu qysh di unë.
Përzemërsisht e falenderoj edhe familjen tem që m’kan nejt e vazhdojn me m’nejt afër dit’ e nat’. Gjithë kët’ kohë sa jom tu e jep maksimumin me u shëru sa ma shpejt, dashnia edhe përkrahja e juve ka me qenë forca jem ma e madhe.
Ju dua dhe ju çmoj shumë, Rinesancë.
