Historia e trekëndëshit Egli – Gjesti – Olsi po vazhdon të ngjallë interes edhe pas përfundimit të “Big Brother VIP Albania”.

Siç dihet tashmë, Egli Tako dhe Olsi Bylyku kanë pasur një lidhje 5-vjeçare që përfundoi në fund të vitit 2023.

Ndonëse Olsi nisi shpejt një histori të re me Denada Lurën, Egli e përjetoi më rëndë ndarjen, diçka që e shfaqi edhe gjatë qëndrimit të saj në shtëpinë e BBVA.

Në këtë format, Egli krijoi një lidhje të re afërsie me Gjestin, për të cilin foli shpesh me dashuri dhe u shpreh hapur se ai ishte “i dashuri i saj”.

Por një kthesë e papritur ndodhi kur në fund të spektaklit, ajo u përball me ish-partnerin Olsi Bylyku në një takim emocional që Egli pranoi se e kishte pritur prej dy vitesh.

Sot, Gjesti ka bërë një veprim të pazakontë në rrjete sociale — të paktën sipas një fotoje që po qarkullon. Në pamje shihet se ai e ka ndjekur për pak kohë Olsi Bylykun në Instagram, por më pas e ka hequr “follow”-in menjëherë.

Nuk dihet nëse ky ishte një veprim momental apo thjesht një montazh i rrjeteve sociale, por fakti që ndjekja nuk ekziston më, ka lënë të gjithë në dyshim: A ishte thjesht një klikim i rastësishëm, apo Gjesti po dërgon sinjale jo dhe aq të fshehta?