Partia Socialiste është duke shënuar një rezultat rekord në qarkun e Fierit, ku deri tani janë numëruar 293 kuti votimi nga 587 ku PS ka marrë 49598 vota përballë 19165 të marra nga kundërshtari politik.

Të përtkhyera në mandate rezulton se deri tani PS merr 12 mandate, ndërsa PD 4 mandate.

Lidhur me situatën politike, numërimin e votave dhe rezultatin e deritanishëm drejtuesja politike e PS në qarkun e Fierit, Belinda Balluku, ka folur për Vizion Plus.

E pyetur se si PS arriti që të rikthejë interesin e qytetarëve në Fier për të votuar në shumicë Partinë Socialiste, Balluku tha se kjo erdhi vetëm duke punuar dhe duke folur me njerëzit.

Ajo tha se PS ka një skuadër të mirëorganizuar dhe çdo gjë e ka treguar vetëm me punë dhe duke u ulur me njerëzit, ndryshe nga kundërshtari politik që është mësuar vetëm të hedhë baltë.

“Shihej me skepticizëm, pasi ne kemi patur një rezultat të konsoliduar 9 mandate për PS dhe 7 për PD. Një rezultat i cili në katër vjeçar kishte pësuar dhe një lloj stanacioni, ndaj dukej e paarritëshme dhe e 10-ta.

Prandaj kur unë thoja që erdhëm këtu për të zgjuar Fierin, njerëzit ishin skeptikë, dhe mendonin se si do të arrinim rezultatin e 2017-ës, madje më thoshin se si do ta arrijëm pasi njertëzit kanë ikur, apo pakënaqësitë edhe brenda radhëve. Ajo që unë kam gjetur në Fier është dëshirta për punë, për tu bërë bashkë, për të tejkaluar përtej të majtës e të djahtës.

Në qarkun e Fierit të gjithë bashkitë kanë një dëshirë shumë të madhe për inovacion, për gjithçka të re që mund të vijmë, qoftë kjo në turizëm, pasi ky qark ka vijën më të gjatë bregdetare, e gjitha kjo më ka bërë që të gjej vend bashkë më skuadrën time. Fryma nuk ngrihet me drejtorë dhe me administratë”, tha Balluku.