Një aksident tragjik ka ndodhur në orët e para të mëngjesit të sotëm në Rrugën e Arbrit, në vendin e njohur si “Shkalla e Tujanit”.
Burime për JOQ ALBANIA bëjnë me dije se dy të rinj, 23 dhe 18-vjeçar kanë humbur jetën pasi teksa udhëtonin me motor janë përplasur nga një automjet që drejtohej nga një 24-vjeçar.
Dy të rinjtë janë me origjinë nga Zall Bastari dhe sipas dëshmitarëve okularë nga përplasja e forte trupat e tyre kanë përfunduar në lumë.
Rrethanat e aksidentit për momentin mbeten ende të paqarta.
Njoftimi i policisë:
Më datë 14.05.2025, rreth orës 02:30, në aksin rrugor “Shkalla e Tujanit”-Zall Dajt”, dyshohet se automjeti me drejtues shtetasin O. C., 24 vjeç, është përplasur me motomjetin me drejtues shtetasin B. H., 23 vjeç dhe pasagjer shtetasin O. L., 18 vjeç. Si pasojë e aksidentit kanë humbur jetën shtetasit B. H. dhe O. L.
