Në qarkun e Durrësit, Partia Socialiste ka arritur të sigurojë në këto zgjedhje 8 mandate parlamentare. Koalicioni opozitar i drejtuar nga Sali Berisha ka marrë 6 mandate, duke konfirmuar një garë të ngushtë mes dy kampeve kryesore politike.

Nga të dyja partitë në këto zgjedhje në qarkun e Durrësit ironikisht ka patur dy kandidatë të bandave të Durrësit të cilët janë sponsoriziar fuqishëm me vota. Aq shumë vota janë numëruar për Arkend Ballën, kandidatin socialist në këtë qark sa i ja thyer rekordin edhe Edi Ramës në zgjedhjet e vitit 2021.

Balla ka marrë mbi 18 mijë vota, duke u kthyer në kandidatin më të votuar, një rezultat që tejkalon 15 mijë votat e Ramës në të njëjtin qark.

Më herët, kandidati demokrat Aulon Kalaja ka akuzuar kolegun e tij ish-prokurorin Ndoji se i ka vjedhur vota. Ndërkohë edhe ky i fundit është produkt i bandave të qarkut duke thyer rekord me vota preferenciale. E njëjta skemë me Sara Milan në Elbasan, produkt i së njëjtit burim votash, në një bazë tjetër.

Ata i quajnë thjesht aludime akuzat që qarkullojnë online, por mjafton një bisedë e thjeshtë me durrsakët apo elbasanllinjtë për të konfirmuar ndikimin e fuqive të lartpërmendura për kandidatët e bandave në Kuvend.

Sara Mile po ashtu ishte një tjetër emër i përfshirë në listën e indicieve apo akuzave për mbështetje nga grupe të dyshimta kriminale. Kjo e fundit theu rekord votash në Elbasan duke treguar fuqinë e bandave mbi popullin.

Qifja i Ornaldo Rakipit desh humbi mendjen kur i biri për pak sa nuk humbi mandatin në Tiranë sipas sistemit të shpërndarjes së mandateve, pavarësisht se ishte një prej kandidatëve më të sponsorizuar me vota duke i siguruar Rilindjes një lum votuesish.