Një aksident tragjik ajror ka ndodhur në Finlandë, ku dy helikopterë janë përplasur me njëri-tjetrin, duke shkaktuar vdekjen e pesë personave që ndodheshin në ta.
Ministria e Jashtme e Estonisë njoftoi se të pesë pasagjerët e helikopterëve janë gjetur të vdekur pas përplasjes në hapësirën ajrore.
Sipas të dhënave nga FlightRadar24, të dy helikopterët kishin ngritur njëkohësisht nga kryeqyteti estonez, Talin, por destinacioni përfundimtar i tyre nuk është konfirmuar.
Rrënojat e dy helikopterëve janë gjetur pranë aeroportit të Eurës në Finlandë.
Një banor lokal, në një intervistë për agjencinë finlandeze të lajmeve Iltalehti, rrëfeu se kishte vërejtur dy helikopterë duke fluturuar pranë njëri-tjetrit dhe se papritmas njëri prej tyre bëri një lëvizje të papritur për t’u shmangur, por përplasja me helikopterin tjetër ishte e pashmangshme.
