Tema dhe premtimi i shumë-debatuar i kryeministrit Edi Rama në fushatën zgjedhor ai i njohjes së pensioneve të qytetarëve shqiptarë nga Italia vijon të ketë paqartësi për mënyrën se si do të zbatohet.

Për të kuptuar më shumë mbi këtë marrëveshje që do të hyjë në fuqi më datë 1 qershor të këtij vendi, i ftuar në një intervistë në studion e lajmeve në “Ora Neës” ishte avokati shqiptar në Itali, Erion Begaj.

“Për sa i përket marrëveshjes, ka pasur një lloj lodhjeje nga komuniteti shqiptar këtu pasi kjo po zgjat prej vitesh dhe tashmë për fatin tonë do të hyjë në fuqi më 1 qershor.

Duhet të bëhen dy kërkesa: vitet e kontributeve do të merren për bazë të atyre viteve që kanë derdhur kontributet e tyre qytetarët shqiptarë në Itali dhe periudha kur ata kanë qenë në Shqipëri, pra periudha përpara se të emigronin në Itali do të konsiderohen si kontribute në Shqipëri.

Për të përfituar pension në Itali duhen minimalisht 20 vite pune. Qytetarët shqiptarë të cilët kanë punuar psh 15 vite në Itali dhe 10 vite në Shqipëri para se të emigronin, në total qytetarët shqipotarë nuk kanë 15 vite kontribute për shtetin italian, por kanë 25 vite pune dhe kjo iu jep mundësi që ata të bëjnë kërkesën për pension në Itali.

Për vitet e punës në Shqipëri ne do ta bëjmë online përmes aplikacionit “E-Albania” ku bëhet dhe kërkesa për në Shqipëri, dhe më pas përmes kodit personal të punës që e kanë secili i punësuar shqiptar në Itali do të bëjnë dhe kërkesën për njohjen e kontributeve në Itali.

Derdhja e të ardhurave, apo likuiditeti që do të marrin këta persona do të jenë të ndara, pra në Shqipëri ata do të marrin për sa i përket pjesës shqiptare, dhe nga ana tjetër do të marrin paratë që do t’i derdhen në llogari nga Instituti i Sigurimeve Shoqërore në Itali”, sqaroi ndër të tjera avokati Erion Begaj.