Një ngjarje e rëndë dhe tronditëse është regjistruar në Henan, Kinë, ku një makinë ka hyrë brenda në një restorant, duke rrezikuar seriozisht jetën e një vajze të mitur.

Pamjet e publikuara në internet tregojnë momentin kur automjeti thyen xhamat dhe përplaset drejt tavolinave, ku ndodhej vajza e vogël.

Për fat të mirë, motra e saj ndodhej aty pranë dhe reagoi në mënyrë të menjëhershme, duke e tërhequr vajzën në një vend të sigurt — një veprim që i shpëtoi jetën.

Sipas mediave kineze, shoferi ishte një burrë i moshuar, i cili raportohet të ketë pësuar dëmtime të lehta.

Policia ka nisur hetimet për të zbardhur shkaqet e ngjarjes, mes dyshimeve për gabim njerëzor ose probleme shëndetësore gjatë drejtimit.