I shoqëruar nga forca të shumta sigurie, ekstradohet nga Turqia ‘mbreti’ i kokainës Dritan Rexhepi

I shumëkërkuar Dritan Rexhepi alias Gramos Rexhepi është ekstraduar sot në Shqipëri nga Turqia. Në njoftim, 45-vjeçari, cilësohet si person me rrezikshmëri të lartë shoqërore.

Rexhepi konsiderohej si një ndër narkotrafikantët më të fuqishëm dhe akuzohet se transportonte drogë nga Amerika e Jugut në Evropë. Ai dyshohet të ketë qenë vrasësi i parë me pagesë në vendin tonë dhe është dënuar me 25 vite burgim në mungesë për vrasjen e dy policëve në Fushë-Krujë, Arben Keqi e Durim Kasmi në vitin 1998.

Rexhepi u arratis në vitin 2007 nga policia e Durrësit pasi këta të fundit e morën për t’i bërë një foto e për ta shpërndarë në media. Ndërkohë një vit më pas kapo i bandës së drogës mbahet mend për një arratisje spektakolare nga burgu i Pavias në Itali.

Njoftimi:

Policia e Shtetit

Si rezultat i bashkëpunimit ndërmjet Interpol Tiranës dhe homologëve në Turqi, ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi.

45-vjeçari, shtetas me rrezikshmëri të lartë shoqërore, sepse:

-Në vitin 2020, GjKKO-ja i ka caktuar masën e sigurisë “Arrest në burg”, për veprat penale “Rrëmbimi ose mbajtja peng e personit”, kryer në bashkëpunim, “Fshehja dhe asgjësimi i kufomës”, “Trafikimi i lëndëve narkotike”, “Mbajtja pa leje dhe prodhimi i armëve, armëve shpërthyese dhe municionit” dhe “Kryerja e veprave penale nga organizata kriminale dhe grupi i strukturuar kriminal”. Shtetasi Dritan Rexhepi alias Gramos Rexhepi akuzohet se në bashkëpunim me shtetasin G. D., ka urdhëruar rrëmbimin e shtetasit J. P., pasi dyshonte se në vitin 2019, vëllai i shtetasit J. P., kishte vjedhur në Angli, një kontenier me lëndë narkotike në pronësi të 45-vjeçarit dhe bashkëpunëtorit të tij;

-Në vitin 2015, Gjykata e Fierit e ka dënuar me 4 vjet burgim, për veprat penale “Falsifikimi i letërnjoftimeve, pasaportave ose vizave” dhe “Falsifikimi i vulave, stampave ose formularëve”;

-Në vitin 2013, është dënuar nga Gjykata për Krimet e Rënda, me 25 vjet burgim, për veprat penale “Vrasja me paramendim” dhe “Plagosja e rëndë me dashje”, kryer në bashkëpunim, si dhe “Mbajtja pa leje dhe prodhimi i armëve, armëve shpërthyese dhe municionit”. Më datë 06.10.1999, në një lokal në Krujë, 45-vjeçari, në bashkëpunim me një shtetas tjetër, ka vrarë me armë zjarri, shtetasin D. K., si dhe ka plagosur pronarin e lokalit, shtetasin R. B., i cili ka humbur jetën më pas, në spital;

-Në vitin 2010, është dënuar nga Gjykata e Apelit e Firences, Itali, me 16 vjet burgim, për pjesëmarrje në grup të strukturuar kriminal, për trafikim të lëndëve narkotike. Shtetasi Dritan Rexhepi alias Gramos Rexhepi është arratisur nga vendi i vuajtjes së këtij dënimi, në Firence. Nga ky dënim i kanë mbetur për të vuajtur 13 vjet, 8 muaj dhe 6 ditë burgim.

Related Posts

Po e priste, qytetari filmon momentin e frikshëm kur rrufeja godet antenën në Malin e Dajtit

Një qytetar ka arritur të filmojë një moment magjik dhe të frikshëm njëkohësisht, teksa një rrufe godet antenat në malin e Dajtit, në Tiranë. Pasi ka pritur…

E BUJSHME: A ka pranuar Grida Duma ftesën e Edi Ramës për të marrë postin e ministres ne Shtator?!

Grida Duma: Zëri i Fuqishëm në Qeverisje. Në Shqipëri, qeverisja shpesh është bërë pronë e të njëjtave fytyra, të njëjtave mekanizma dhe të njëjtave pazare politike. Në…

Premtoi se do vidhte me lezet/ Eduard Shalsi me 5 shtëpi në Tiranë, e shoqja 450 mijë euro fitime në 3 vite

Në një hark kohor prej tre vitesh të ardhurat e bashkëshortes së Eduart Shalsit janë rreth 450 mijë euro. Mbetet për t’u parë nëse pagesat për Eranda…

MREKULLI/ Fillon ligjërimi falas për mësimin e gjuhës shqipe në Sanxhak falë kësaj vajze

Kryetarja e Zyrës të Këshillit Kombëtar Shqiptar në Novi Pazar, Amina Nuraj, ka njoftuar se nga dita e hënën fillon kursi falas për mësimin e gjuhës shqipe…

Profesori mitrovicas e ndërron emrin nga Ahmet në Shqiptar: S’dua të v’des me emër arab

Ndërtimi i një katedrale në Bajgorë. Kjo është ideja e profesorit nga Mitrovica Ahmet Musa. Ai ka shpjeguar se nga erdhi ideja e tij. Por, profesori e…

“Ç’mҽndet” 35-vjҽçari shqiptar në Itali, i thyҽn hundën partneres 12 vite më të re me bishtin e fshesës

Një 35-vjeçar shqiptar është vënë në pranga nga policia në Pordenone të Italisë, pasi akuzohet për dhunë në familje dhe sulm të rëndë ndaj partneres së tij…